00
والعيادة هم نفس الشي ، احنه جاي تشوف الإيراد، مثل ما تشوف الوزن بس ما جاي نعرف شنو موجود فعلًا… وشلون وضعنا الحقيقي. هنا تجي ورقة بسيطة، الـ Balance Sheet اللي تحلل جسم العيادة بكل تفاصيله.
عدّك أجهزة؟ هاي عضلات.
عدّك ديون؟ هاي تعب وإرهاق.
عدّك سمعة طيبة وسوشال ميديا؟ هاي مثل التوازن الهرموني بجسمك… تشتغل وياك بس مو كافية إذا أكلك خربان.
01
الـ Balance Sheet تعلمك:
- شنو موجود عندك من أصول (مثل الأجهزة، الكراسي، الكاش، المواد…)
- شنو عليك من التزامات (قروض، دفعات، رواتب، ضرائب…)
- وشكد فعليًا يبقى إلك: شنو صافيلك لو وقفت كلشي هسه؟
وهاي القيمة الأخيرة، اسمها Equity، أو الصافي. وهاي تختلف عن “الربح”
لأن الربح تگدر تطلعه من شغل شهر… بس الـ Equity يطلع من كل تعبك، استثماراتك، وقراراتك من يوم فتحت العيادة. يعني بالتمرين:
- الجينات = رأس المال الأولي مالتك
- العضلات اللي بنيتها بمرور الوقت = الأرباح المحتجزة (Retained Earnings)
- وسوء التغذية أو النوم = التزامات غير محسوبة
العيادة مثل الجسم…
ما تگدر تشتغل عليها بعشوائية وتتوقع نتيجة عظيمة. لازم تفهمها، وتراقبها، وتبنيها على مراحل.
02
إذا ما عندك Net Profit… أنت بس تشتغل
العيادة بزنس، والبزنس لازم يقاس بلغة الأرقام، مو بالإحساس، إذا ما عندك رقم واضح تقول بيه: "هاي الفلوس بقت بعد ما دفعنا كلشي” فأنت "بس تشتغل".
ابدي من هسه، سجّل إيراداتك، مصاريفك، ديونك، وراتبك أنت، واحسب صافي الربح الحقيقي. لأن البزنس الحقيقي هو اللي يخليك ترتاح… مو بس تتعب.
